JASTAR JAMAǴATY SÝ BASQAN AIMAQ TURǴYNDARYNA JÁRDEM BERDI

QMDB Jastar isi sektoryna qarasty óńirlerdegi ortalyq meshit jastary sý tasqyny bolǵan aımaqtarda jumylyp jumys atqarýda.

«Jas kelse, iske» demekshi, jastar jamaǵatynyń belsendi atsalysýymen Atyraý, Aqtóbe, Qostanaı, Batys Qazaqstan jáne Abaı oblystarynda sý tasqynyna baılanysty ókildikterde qarajat jınalyp, azyq-túlik, dári-dármek, kıim-keshek, zardap shekken halyqtyń suranysa qajetti qural jabdyqtar syndy qaıyrymdylyq qorjyndary taratylýda.

QMDB Jastar isi sektoryna qarasty óńirlerde meshit janynan erikti jastar toby qurylyp, táýlik boıyna basqan aýyl-aımaqtarda halyqty mektep jáne t.b. oryndarǵa ornalastyryp, sý toqtatý maqsatyndaǵy tótenshe jaǵdaı qyzmetkerlerine kúnine 70-100 adamǵa ystyq tamaq taratyp kómektesý ústinde.

Atyraý oblysynda «Kúshimiz – birlikte» uranymen oblystyq ákimdik pen jastar resýrsttyq ortalyǵy, meshit ımamdary jamaǵatpen birlese kórshi aımaqtarǵa júk kólikterimen azyq-túlik taratýda.

​