JASTAR ISI SEKTORY RESPÝBLIKA KÚNINE ORAI «QAJYMUQAN» FILMINIŃ SEANSYNA BARDY (FOTO)
Búgin Respýblıka kúni merekesi qarsańynda Astana qalasy Jastar isi sektorynyń muryndyq bolýymen «Qajymuqan» tarıhı kórkem fılmine seans uıymdastyryldy.
Sharaǵa Astana qalasynyń bas ımamy Erbolat Júsipov, QMDB Jastar isi sektorynyń jetekshisi Baǵyjan Kúzekbaı, Jastar isi sektorynyń Astana qalasy ókildigi boıynsha jaýapty mamany Rahymjan Joldas jáne basqa da meshittiń belsendi jastary qatysty.
Jastar qaýymy Alla bergen týa bitti qabiletin, óneri men ómirin óz eli úshin sarp etken babamyzdyń sara jolyna taǵy bir kýá boldy. Kórermen kórkem fılmnen mol ǵıbrat alyp, ult perzentiniń umytylmas ónegeli isterin eske túsirdi.
10 qazannan bastap elimizdiń barlyq kınoteatrlarynda kórsetilip jatqan «Qajymuqan» fılmi rejısser Qanaǵat Mustafın tarapynan QR Mádenıet jáne aqparat mınıstrliginiń jáne Ulttyq kınony qoldaý memlekettik ortalyǵynyń qoldaýymen túsirilgen.
Aıta ketsek, Qajymuqan Munaıtpasov - frantsýz kúresinen álem chempıony atanǵan tuńǵysh qazaq, álemdik, óńirlik, reseılik, keıin Búkilodaqtyq sýper aýyr salmaqtaǵy klassıkalyq kúres chempıonattarynyń birneshe dúrkin jeńimpazy.
Osy seansty uıymdastyrýda óz yqylastary men qoldaýyn kórsetken «Rahymqyzy Raısa ana» meshitine alǵys bildiremiz!
Источник: Aidos
