JAS MAMANDARǴA ARNAIY SEMINAR UIYMDASTYRYLDY

Búgin Astana qalasynda Qazaqstan musylmandary dinı basqarmasynyń uıymdastyrýymen «Jas maman, aýylǵa qadam bas, maman!» sharasy ótti. Shara aıasynda jas mamandardyń kásibı biliktiligin arttyrý, dinı qyzmettegi jaýapkershiligin qalyptastyrý, qyzmettik ádep normalaryn saqtaý jáne qoǵammen tıimdi kommýnıkatsııa ornatý maqsatynda arnaıy semınar uıymdastyryldy.

Semınar barysynda QMDB Tóraǵasynyń orynbasarlary, naıb múftıler Kenjetaı Baıkemeluly «Qyzmettik ádep jáne tártip erejeleri» taqyrybynda, Sansyzbaı Qurbanuly «Birlik pen turaqtylyq – din qyzmetkeriniń negizgi ustanymy» taqyrybynda, Ermek Qasbolatuly «Kórkem minez – din qyzmetkeriniń basty aınasy» taqyrybynda, Bas múftı keńesshisi Smaıyl Súıerqululy «Dinı sala mamandarynyń aqparattyq saýattylyǵy jáne medıakommýnıkatsııa» taqyrybynda baıandama jasady. 

Semınar barysynda jas mamandarǵa dinı qyzmettiń erekshelikteri túsindirilip, qyzmettik mindetterdi sapaly oryndaý, kásibı jáne tulǵalyq turǵydan damýǵa umtylý, sondaı-aq halyqpen tıimdi qarym-qatynas ornatý baǵytynda birqatar mańyzdy keńester berildi.