Jándillá Bekjigitov Qajylyq bóliminiń meńgerýshisi bolyp taǵaıyndaldy (FOTO)
Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń buıryǵymen Bekjigitov Jándillá Mamythanuly Qajylyq bóliminiń meńgerýshisi qyzmetine taǵaıyndaldy.
«Bekjigitov Jándillá Mamythanuly 2019 jyldyń 16 sáýirinen «Qazaqstan musylmandary dinı basqarmasy» Respýblıkalyq ıslamı dinı birlestigi Meshit isteri bóliminiń meńgerýshisi qyzmetinen bosatylyp, «Qazaqstan musylmandary dinı basqarmasy» Respýblıkalyq ıslamı dinı birlestiginiń Qajylyq bólimine meńgerýshi bolyp taǵaıyndalsyn», – delingen Bas múftı buıryǵynda.
Jándillá Mamythanuly Bekjigitov
1982 jyly týǵan.
Bilimi men biliktiligi:
1989-2000 jyldary Qusshy ata eldi mekeninde ornalasqan «M.Qazybekov» atyndaǵy orta mektepti bitirgen.
2001 jyly Shymkent qalasyndaǵy Ońtústik Qazaqstan Gýmanıtarlyq Akademııasyna túsken, onda 2004 jylǵa deıin oqyp, sol jyly Almaty qalasyndaǵy Abylaı han atyndaǵy Halyqaralyq Qatynastar jáne Álem Tilderi Ýnıversıtetine aýysyp, osy oqý ornyn 2006 jyly; fılolog, joǵary mekteptiń arab jáne aǵylshyn tilderi men ádebıetiniń oqytýshysy degen mamandyqpen bitirip shyqqan.
2009-2011 jyly Almaty qalasyndaǵy «Nur-Múbárak» Egıpet Islam mádenıeti ýnıversıtetiniń «Shetel fılologııasy» mamandyǵy boıynsha magıstr dárejesin alǵan.
Eńbek joly:
2006 jyly Qazaqstan musylmandary dinı basqarmasynyń Meshit isteri jáne qajylyq bóliminiń referenti bolyp jumysqa alynady.
2010, 2012 jyldary Meshit isteri bóliminiń meńgerýshisiniń mindetin atqarýshy bolyp qyzmet atqardy.
2014 jyly qarasha aıynda Qazaqstan musylmandary dinı basqarmasynyń tóraǵasy, Bas múftı Erjan qajy Malǵajyulynyń buıryǵymen Meshit isteri bólimniń meńgerýshisi bolyp taǵaıyndaldy.
2019 jyldyń 16 sáýirinde Qazaqstan musylmandary dinı basqarmasynyń tóraǵasy, Bas múftı Serikbaı qajy Orazdyń buıryǵymen Qajylyq bóliminiń meńgerýshisi qyzmetine taǵaıyndaldy.
Otbasyly, 2 ul, 2 qyzy bar.
