«Zeıin» oqyrmandar klýby ashyldy (FOTO+VIDEO)

Qazaqstan musylmandary dinı basqarmasynyń Nur-Sultan qalasy ókildigi, «Rýhanı jastar» qanaty men «Inabat» qyz-kelinshekter klýbynyń uıymdastyrýymen «Zeıin» oqyrmandar klýby ashyldy. Alǵashqy kezdesýge bloger, jýrnalıst Nazerke Sultanbek kelip qatysty. Ol jastarǵa kitap arqyly bilim alýdyń artyqshylyqtary jaıynda aıtyp, óz bilgenderimen bólisti. Artynsha jınalǵan jurtshylyq kókeılerinde júrgen saýaldaryna jaýap aldy.

QMDB Jastar isi sektorynyń meńgerýshisi Ádilet Kópen kitap oqýdyń túrleri men ádis tásilderi jaıynda áńgime órbitse, «Rýhanı jastar» qanatynyń jetekshisi Mahambet Iskanderov jańadan ashylǵan klýbtyń maqsaty men mindetteri jóninde túsindirip ketti. Al, endi ǵana tusaýy kesilip otyrǵan klýb qatysýshylary óz qoldarymen jasaǵan qolóner buıymdaryn da ala kelipti. Aılanysh hanym atalmysh klýbqa muqabasy kórkem túrde bezendirilgen qundy kitapty syıǵa tartty. 

Kesh sońynda qatysýshylar klýbtyń aldaǵy josparlaryna sáttilik tilep, óz rızashylyqtary men aq tilekterin aıtty.

Sýretterdi «FOTOGALEREIa» aıdarynan kóre alasyzdar!