«Zeıin» klýby músheleriniń qatary artyp keledi (FOTO)

QMDB Nur-Sultan qalasy ókildigine qarasty «Rýhanı Jastar» qanatynyń «Zeıin» oqyrmandar klýby ashylǵaly beri taǵylymdy basqosýlar men kezdesýlerdi uıymdastyryp keledi. Atap aıtsaq, ár jeksenbi kúni turaqty túrde jastar ózara bas qosyp, qoǵam qaıratkerleri men tulǵalardyń nasıhatyna qulaq túredi. Klýb músheleriniń qatary da kún sanap artyp keledi.

Kúni keshe Bilim jáne Ǵylym mınıstrligi baspasóz qyzmetiniń SMM mamany Bekarystan Nurlanulymen kezdesý ótti. Kesh qonaǵy «Sóıleý. Taldaý. Tyńdaý.» atty taqyryp aıasynda áńgime órbitti.

Jınalǵan qaýym sheshendik óner, kisiniń sóıleý mádenıeti jaıynda paıdaly ınsaıttar aldy. Kezdesý ashyq jáne erkin formatta ótti. Jastar kókeılerinde júrgen saýaldaryna jaýap alyp, ózara pikir almasty. 

Kezdesý sońynda áleýmettik jelide úzdik pikir jazǵany úshin klýb múshesi Indıra Meıirǵalıqyzy «Eń úzdik Pikir» nomınatsııasymen marapattaldy.