«Zeket» qory «Jaqsylyqta jarysaıyq» sharasyn jalǵastyrýda (FOTO)
Qasıetti Ramazanǵa taıap qalǵanymyzdy eske salatyn, qurmetti aılardyń biri Erejep aıy bastalǵany belgili. Adamdar saýapty amaldaryn arttyrýǵa, jaqsylyq jasaýǵa asyǵýda.
Osylaısha, ótken demalys kúnderi astanalyq demeýshiniń kómegimen muqtaj jandarǵa 5 (bes) tonna kartop úlestirildi. Olardyń arasynda qordyń tiziminde turǵan áleýmettik az qamtylǵan, qaramaǵynda múgedek balalary bar, kópbalaly otbasylar, jalǵyzbasty analar jáne «Astana» medresesiniń shákirtteri.
«Zeket» qorynyń basshylyǵy demeýshi bolǵan qaıyrymdy janǵa shyn júrekten alǵysyn bildirip, isine bereke tiledi. Kómek alǵan otbasylar óz kezeginde bundaı qaıyrymdylyq sharasyna qýanyp, atsalysqan barlyq azamattarǵa alǵystaryn jaýdyryp jatty.
Eger sizder muqtaj jandarǵa qol ushyn berýge daıyn bolsańyzdar, «Zeket» korporatıvtik qorynyń myna nomerine habarlasýyńyzǵa bolady: 8 775 417 19 12
