«Zeket» qory elordamyzdaǵy 50 otbasyǵa azyq-túlik taratty (FOTO)

«Taıqazan» jobasy aıasynda aı saıyn jetim men jesirlerge, múgedek balalary bar otbasylarǵa, áleýmettik az qamtylǵan jandarǵa demeý kórsetiledi. Árbir azyq-túlik sebetinde jarma ónimderi, suıyq maı, makaron ónimderi, qant, tuz, burysh, tomat pen shaı bar. Jalpy salmaǵy 40 kılogrammnan asady.

«Zeket» qorynyń atqarýshy dırektory Talǵat Seıitkárimuly sharaǵa qatysyp, qaıyrymdylyq jasaýdyń mańyzdylyǵy jaıly sóz qozǵap, arnaıy kelgen «Asyl arna» telearnasyna qordyń jumysy týraly suhbat berdi. Aıta ketsek, «Zeket» qory qalamyzdyń turǵyndary tapsyrǵan aıaq kıim, ydys-aıaq, balalarǵa oıynshyqtar men kıim-keshekti apta saıyn kómekke zárý jandarǵa taratyp turady.

Eger qaıyrymdylyq isterde qandaı da bir kómek kórsetýge daıyn bolsańyz, myna telefon nomerleri boıynsha habarlasýlaryńyzǵa bolady: 8 775 417 19 12; 8 708 723 74 09