«Zeket» qory Astana qalasyndaǵy muqtaj otbasylardy kómirmen qamtamasyz etti (FOTO)

Naýryz aıy kelgenimen, Astanada áli de qar jaýyp, boran soǵyp tur. «Zeket» qoryna ótinish bildirýshiler legi de báseńdegen emes. Azyq-túlik, kıim-keshekten bólek, otyn máselesi qıyn otbasylar jeterlik. Búgin qordyń muqtajdar bazasynan iriktelgen 6 otbasyǵa kómir jetkizildi.

QMDB «Zeket» qorynyń atqarýshy dırektory Talǵat Omarov qyzmetkerlerimen birge tizimdegi otbasylardyń úılerine baryp, jaǵdaılaryn kórip qaıtty. Islam muqtajdarǵa kómek qolyn sozyp, sadaqa berip, jaqsylyq jasaýǵa shaqyratyndyǵyn sózge tıek etti.

Aıta ketý kerek, «Zeket» qory juma kúni muqtajdarǵa kómir alýǵa qarajat jınaý maqsatynda qaıyrymdylyq jármeńkesin uıymdastyrǵan bolatyn.