«Zeket» qory 120-shy baspana kiltin tabystady (FOTO)

Qazaqstan musylmandary dinı basqarmasy janyndaǵy «Zeket» qorynyń «El úlesi páterge» jobasy aıasynda Jambyl oblysy, Qordaı aýylynyń turǵyny – qolynda I top múgedek balasy bar, jalǵyzbasty ana baspanaly bolyp, qýanyshqa keneldi. Oblys boıynsha atalmysh sharanyń iske asýyna sebepshi bolǵan Almaty oblystyq «Qarasaı batyr» meshitiniń naıb ımamy Dáýrenbek Jandosuly jáne elordadan arnaıy kelgen «Zeket» qorynyń bas mamany Nurken Dilmuhan qatysyp, jınalǵan qaýymǵa qaıyrymdylyq, meıirimdilik jaıly tushymdy ýaǵyzyn aıtyp, baspana kiltin tabystady. Sondaı-aq, Qordaı aýdany ákiminiń orynbasary Jamangozov Beıqut Tlebaldyuly da is-sharaǵa qatysyp, baspanaly bolǵan otbasyny quttyqtap, úlken qýanyshqa ortaqtasty.

Eske sala keteıik, «El úlesi páterge» – áleýmettik jaǵdaıy tómen kópbalaly otbasylarǵa qarajat jınap, baspana syılaýdy kózdeıtin joba. Osylaısha, «Zeket» qorynyń dırektory Talǵat Omarovtyń basshylyǵymen 2018 jyldan beri «El úlesi páterge» qaıyrymdylyq aktsııasy aıasynda jalpy respýblıka boıynsha qordyń óńirlerdegi ókildikteri men meshit jamaǵatynyń qaıyrymdylyǵynyń arqasynda muqtaj otbasylardyń qoly jetken 120-shy baspana bolyp otyr. 

Jaqsylyqtyń jarshysy bolǵan jobaǵa úles qosyp júrgen barsha qaıyrymdy jandarǵa alǵysymyzdy bildiremiz.