«YRYSKELDI QAJY» MEShITINIŃ ShÁKIRTTERI JAZǴY SAÝAT AShÝ KÝRSYN TÁMAMDADY (FOTO)

QMDB Astana qalasy ókildigine qarasty «Yryskeldi qajy» meshitinde «Imanı jaz-2024» jazǵy saýat ashý kýrsynyń jabylý saltanaty ótti. Meshittiń bas ımamy Nurlan Baıjigituly búldirshinderge estelik sertıfıkatyn tabystap, batasyn berdi.

Aıta ketsek, «Imanı jaz-2024» jazǵy saýat ashý kýrsynda búldirshinder arabsha hat tanyp, Quran oqýdy meńgerip qana qoımaı, ádep, ǵıbadat, dástúr sabaqtaryn da ótti. Sondaı-aq, ata-anany qurmetteý, bilim ıgerý, otandy súıý, jamandyqtan qashyq bolyp, jaqsylyq jasaýǵa talpyný sekildi túrli ıgi qasıetterdi boılaryna sińire túsý maqsatynda tálim-tárbıe jumystary da qarqyndy júrgizildi.