«YRYSKELDI QAJY» MEShITI ShÁKIRTTERGE QURAN KITAPTARYN SYIǴA TARTTY (FOTO)

Astana qalasy ókildigine qarasty «Yryskeldi qajy» meshitinde tálim alyp kele jatqan shákirtter Quran álippesin aıaqtap, Allanyń kitabyn túpnusqada oqıtyn jaǵdaıǵa jetip otyr.

Iaǵnı, Quranǵa túsken shákirtterdi odan ary yntasyn arttyrý maqsatynda meshit ujymy bilim izdenýshilerge Quran Kárim kitaptaryn hadııa etti.

Quranǵa degen mahabbat ony oqýǵa baılanysty. Bul qasıetti kitapty oqý eń uly ǵıbadattardyń biri ári Allahqa jaqyndatatyn birden – bir tóte jol bolyp tabylady. Allah Taǵala bizge qasıetti Qurandy oqýdy ámir etken.

Quranda: «Qurannan oqı alatyndaryńdy oqyńdar» [«Múzámmıl», 20] dep aıtylsa, Ábý Ýmámá rıýaıat etken hadıste Paıǵambarymyz (s.ǵ.s.): «Quran oqyńdar! Ol qııamet kúni ıesine shapaǵat etedi» [Múslım] – degen.

Kelesi hadısterde Qurandy oqýdyń qandaı saýap ekendigi aıtylady: «Kimde – kim Allahtyń kitabynan bir árip oqysa – bir saýap, al bir saýap on saýapqa teń. Álıf-lám-mım («Baqara» súresiniń basy) bir árip dep aıtpaımyn, álıf bir árip, lám bir árip, mım bir árip» ( Tırmızı (Abdýllah ıbn Masǵýd rıýaıat etedi).