«Iasmın» shujyq tsehy tekserildi (FOTO)

QMDB Halal ónimderin standarttaý bóliminiń sertıfıkattaýdan ótken barlyq mekemelerge qoıar talabynyń biri – «Halal Damý» baqylaýshy-ınspektorlarynyń aı saıyn kedergisiz tekseris jumystaryn júrgizýi.

Tekseris barysynda arnaıy akt toltyrylyp, esebi usynylyp otyrady. Bul – QMDB halal bóliminiń ashyqtyq pen jarııalylyǵynyń bir dáleli.

QMDB Halal ónimderin standarttaý bóliminiń meńgerýshisi S.Seıtbekov jáne bas tehnolog A.Omarova Nur-Sultan qalasynda ornalasqan JK «Iasmın» shujyq tsehynda aılyq tekseris jumystaryn júrgizdi. Tekseris qorytyndysy boıynsha, shujyq tsehyndaǵy barlyq jumystar «QMDB halal standarty» talaptaryna saı oryndalyp jatyr.

Esterińizge sala keteıik, BAQ quraldary «shoshqa DNK-sy tabyldy» dep jarııalaǵan shujyq ónimderiniń qatarynda JK «Iasmınniń» de aty atalǵan edi. Osy aqparat shyǵysymen «Iasmın» shujyq ónimderin tekserip, Almaty qalasyndaǵy TreeGene molekýlıarlyq-genetıkalyq zerthanadan ótkizdik. Zerthana nátıjesinde shujyqtarda shoshqa DNK-sy tabylǵan joq.

JK «Iasmın» shujyq tsehy – tapsyrysqa qaraı kúnine 3-4 tonna ónim shyǵarýǵa qaýqarly mekeme. Halal ónimderin standarttaý bóliminiń meńgerýshisi S.Seıtbekov talapqa saı jumys jasap otyrǵan tseh basshysyna rızashylyǵyn bildirdi.

 Tómende JK «Iasmın» óniminiń zerthanada ótken qorytyndysynyń sýretteri berildi.

​