Naıb múftı N.Taǵanuly men «Nur-Múbarak» prorektory Q.Qurmanbaev Syr eline sapar jasady (FOTO)
QMDB-nyń Birinshi tóraǵa orynbasary, naıb múftı Naýryzbaı qajy Taǵanuly jáne «Nur-Múbarak» Egıpet ıslam mádenıeti ýnıversıtetiniń prorektory Ph.D Qaırat Qurmanbaev Syr óńirine arnaıy is-saparmen keldi.
Qonaqtar sapary aldymen oblystyq «Aqmeshit-Syrdarııa» ortalyq meshitiniń tynys-tirshiligimen tanysýdan bastaý aldy. Budan keıin meshit kitaphanasynda ókil ımam Bolatbek Ulasqanuly, Qyzylorda oblystyq «Din máselelerin zertteý ortalyǵy» KMM-niń dırektory B.Kamalov myrza jáne syr óńiri ımamdarynyń qatysýymen semınar bolyp ótti. Keleli kezdesýde Naıb múftı Naýryzbaı Taǵanuly QMDB basty baǵyttary men maqsatyna toqtalyp, ókildiktiń jetistikteri men jańa ózgeristerin aıqyndaı kele, ımamdardyń dástúrli dinimizdi nasıhattap, órkendep damýyna qosyp jatqan eleýli úlesteri úshin alǵys bildirse, ǵalym Qaırat Qurmanbaev dástúrli dinimizdi nasıhattaýdaǵy, buqara halyqqa ýaǵyz aıtýdaǵy nazar aýdartatyn mańyzdy máselelerdi túsindirip ótti.
Syr ımamdarymen ótken semınardan soń qonaqtar oblys basshysy Qyrymbek Eleýulymen kezdesti. Suhbat barysynda QMDB qyzmeti, aımaqtaǵy dinı ahýal turaqtylyǵy, bilikti kadrlar daıyndaý máseleleri talqylandy.
