V Respýblıkalyq týrnır palýandarynyń salmaq ólsheý rásimi ótti (FOTO)

Búgin qazaq kúresinen QMDB júldesi úshin uıymdastyrylyp otyrǵan V Respýblıkalyq týrnır palýandarynyń salmaq ólsheý rásimi bolyp ótti. Elimizdiń túkpir-túkpirinen bas qosqan palýandar búgin «Dáýlet» sport kesheninde kópshilik aldynda tarazyǵa tartylyp, dúbirli doda aldynda salmaqtaryn taǵy bir ólshetti.

Salmaq boıynsha tómengisiniń ózi 90 keliden kem túspeıtin 39 jigit Elektrondyq tarazyǵa kóterilip, erteńgi jarysqa saqadaı-saı ekendikterin baıqatty. Aıta keteıik, apaıtós, býra bilekti palýandar arasyndaǵy aýyr salmaq 151 kelini kórsetti. Alaıda «kúsh atasyn tanymas» degendeı, boz kilemdegi erteńgi tartysta kimniń baby shaýyp, kimniń baǵy janary eshkimge belgisiz.

Saıys jospary boıynsha palýandar erteń el aldynda jerebe tańdap, boz kilemdegi qarsylasy sol kezde belgili bolmaq. Qasıetti qajylyq joldamasy júldege tigilgen dúbirli dodanyń jeńimpazy da erteń anyqtalady. Birge jankúıer bolyńyz, oqyrman!