Úzdik ımam kishi qajylyqqa joldama aldy

QMDB-nyń Qyzylorda oblysy boıynsha ókildiginiń uıymdastyrýymen Syr ımamdaryna qoldaý bildirý maqsatynda «Jyl  ımamy» degen atqa laıyqty qyzmetkerge kishi qajylyqqa joldama tabystaldy.

Joldama jeńip alýdyń sharty boıynsha birneshe jyldan beri oblysymyzda dástúrli dinimizdi nasıhattap dinı turaqtylyqty saqtaý jolynda júgi men jaýapkershiligi mol qyzmetti adal atqaryp júrgen ımam bolýy tıis.

Barlyq talaptar boıynsha Qazaly aýdany, Qyzyltý aýyly «Jalańtós batyr» meshitiniń ımamy Almanııazov Ǵalym Jumanuly laıyq dep tanyldy. Ǵ.Almanııazov 1963 jyly Qyzylorda oblysy, Qazaly aýdany Jalańtós batyr aýylynda dúnıege kelgen. Birneshe jyldan beri aýyl halqy úshin aıanbaı eńbek etip júrgen din qyzmetkeri.

Sonymen qatar, atalmysh jarys dinı qyzmetkerlerdiń arasynda ǵana emes, «Ernazar-Maqsum» meshitiniń jamaǵaty arasynda da «Belsendi azamat» nomınatsııasy boıynsha  ótkizilip jatyr.

Oblystyq depýtat, dinge janashyr kásipker azamat Q.Ernazar myrzanyń demeýshiligimen uıymdastyrylǵan  ıgi shara keler jyly da óz jalǵasyn tabatyn bolady.