Úrjarlyq qaıyrymdy jandar jerlesterine úı alyp beredi (FOTO)
Shyǵys Qazaqstan oblysy6 Úrjar aýdanynda jergilikti jomart jandardyń atsalysýymen «Jan jylýy januıaǵa» atty qaıyrymdylyq aktsııasy bastaldy.
«Búgingi «Jan jylýy januıaǵa!» qaıyrymdylyq aktsııasy «Nur Otan» partııasynyń kópbalaly az qamtylǵan otbasylardy qoldaýǵa baǵyttalǵan «Baqytty otbasy» jobasy aıasynda uıymdastyrylýda. Búginde tańda aýdanymyzda 3060 kóp balaly ana turady. 1169 otbasy 18 jasqa deıin bala tárbıelep otyr. 1500 otbasy tegin medıtsınalyq tekserýden ótti. Úrjar óńiri boıynsha 276 otbasy ataýly áleýmettik kómek alady. 672 adam turǵyn úı kezeginde tur. Bul maqsatta «Nurly jer» baǵdarlamasy aıasynda aýdan ortalyǵynan turǵyn úı salynady. Osy rette salynǵan úıler az qamtylǵan kópbalaly otbasylarǵa beriledi», – dedi aýdan basshysy Serik Zaınýldın. Ákimniń aıtýynsha, búgingi kúni 46 otbasynyń múldem baspanasy joq.
Osyǵan oraı, qaıyrymdylyq aktsııasyn uıymdastyryp otyr. «Bul bastama áli de óz jalǵasyn taýyp, elimizdiń túkpir-túkpirinde jemisti eńbek etip júrgen jerlesterimiz tarapynan qoldaý tabatyndyǵyna kámil senemiz»,- degen Serik Zınabekuly arnaıy qaıyrymdylyq jáshigine óz atynan 100 myń teńge sala otyryp.
Aktsııa barysynda «Kombıstroı-1» JShS-niń dırektory Dáýren Ábdikenov seriktestik atynan 2 mln teńge qossa, «Regıonstroı» JShS-tiń basshysy Ermek Baımenov Qaratuma aýyldyq okrýginen eki otbasyǵa úı alyp berýge ýáde etti. Sonymen birge, jeke kásipker Danııar Qumarbekuly aýdan ortalyǵynan kóp balaly otbasyǵa úı alyp beretinin kópshilik aldyna shyǵyp aıtty.
Sol sekildi, «Kolos» sharýa qojalyǵynyń basshysy Olga Romanenko 1 mln teńgeni tabys etti. Osyndaı aýqymdy sharaǵa baılanysty bankten ashylǵan arnaıy shotqa «AstanaVodStroı» JShS-gi 1 mln teńgeni aýdarǵan.
Aktsııa barysynda komıssııa qurylyp, qorytyndysynda osy kúni 14 mln 174 myń teńge qarjy jınaldy. Jáne qaıyrymdylyq sharaǵa kelgen demeýshilerdiń kómegimen áleýmettik jaǵynan az qamtylǵan kóp balaly toǵyz otbasyǵa baspana syıǵa tartyldy. Bul aktsııa áli de óz jalǵasyn tappaq.
Aıta keteıik, aǵymdaǵy jyldyń 27 aqpan kúni ótkizilgen «Nur Otan» partııasynyń HVIII sezinde Tuńǵysh Prezıdentimiz halyqty, ásirese, kóp balaly analar men áleýmettik az qamtylǵan toptardy qoldaý sharalaryna erekshe nazar aýdarǵan bolatyn.
