UQK: 14 azamatqa terrorızm boıynsha aıyp taǵyldy
Sırııada DAISh-tyń jasaǵynda bolǵan 14 azamatqa qatysty qylmystyq isti tergeý aıaqtaldy, dep habarlaıdy QazAqparat UQK baspasóz qyzmetine silteme jasap.
Ulttyq qaýipsizdik komıteti ózge memlekettik organdarmen jáne shetel seriktesterimen birlesip, «Jýsan» operatsııasy sheńberinde Sırııadan 595 Qazaqstan azamatyn qaıtardy, onyń arasynda tórt júzden astamy bala. Qaıtarylǵan adamdardyń ishinde 10 er adam men 5 áıel Qazaqstanda tyıym salynǵan DAISh halyqaralyq terrorıstik uıymynyń áreketine qatysý faktisi boıynsha sot úkimimen ártúrli merzimge bas bostandyǵynan aıyrylǵan.
«Tergeý nusqasy boıynsha Sırııa jaǵdaıynda DAISh-tyń bir jasaǵynda bolǵan taǵy da 14 azamatqa qatysty qylmystyq isti tergeý aıaqtaldy. Olarǵa terrorıstik áreketke qatysty, áreketke tartty jáne terrorızmdi nasıhattady, sondaı-aq ózge de aýyr qylmystar jasady degen aıyp taǵyldy», delingen habarlamada. Baspasóz qyzmetiniń málimetinshe, qylmystyq is materıaldary Nur-Sultan qalasynyń mamandandyrylǵan aýdanaralyq qylmystyq ister boıynsha sotyna berildi.
