ULTTYQ ASPABYMYZDY DÁRIPTEITIN KÚN

Naýryzbaı qajy TAǴANULY,

QMDB Tóraǵasy, Bas múftı

Qurmetti otandastar!

Sizderdi búgingi Ulttyq dombyra kúnimen shyn júrekten quttyqtaımyn!

Ulttyq dombyra kúni – ulttyq dástúrimizdi buqaralyq sıpatta nasıhattaýdyń úlken múmkindigi, oraıly sáti. El basyna kún týǵan sátterde qolǵa dombyrasyn alyp, jalyndy jyrlarymen halqymyzdy ıgilik pen birlikke úndep, júrekke jiger syılaǵan jyraýlarymyzdyń ónegeli isi áli kúnge deıin jadymyzda.

Ár úıdiń tórinde ilýli turatyn ulttyq aspabymyzdyń kúmbirlegen úni kún saıyn jańǵyryp kele jatqany júrekke qýanysh syılaıdy.

Búginde Qazaqstan musylmandary dinı basqarmasy óziniń kúndelikti jumystarynda din men dástúr sabaqtastyǵyn barynsha nasıhattap keledi. Bul baǵyt boıynsha jumystarymyz turaqty túrde jalǵasa bermek.

Alla Taǵala halqymyzǵa amandyq, jerimizge tynyshtyq násip etkeı. Táýelsizdigimiz baıandy bolǵaı. Ámın.