Ýaǵyzshylardyń nasıhat jumysyn jetildirýge arnalǵan otyrys ótti (FOTO)

Ýaǵyz jáne nasıhat jumystaryn jetildirýge baǵyttalǵan jıyn barysynda kóptegen máseleler ortaǵa salyndy. Eń birinshi ýaǵyz taqyryptarynyń mańyzdylyǵy sóz boldy. Qajylyqqa attanbas buryn QMDB janynan ýaǵyzdar toptamasy qurastyrylyp shyqqan bolatyn. Degenmen, bıylǵy qajylardyń saýattylyǵyn arttyrý maqsatynda taqyryptardyń san alýandyǵy sapany kóterýge septigin tıgizýde.

Buǵan deıin Mekkege birneshe ret kelgen bilikti ımamdar tájirıbelerimen bólisti. Eń bastysy jamaǵatty jalyqtyryp almaý jóni eskerilmek. Onyń ústine munda álemniń ár túkpirinen kelgen musylmandar júrgendikten, bizdegi qajylardyń basqa ýaǵyzshylarǵa erip ketpeýi baqylaýda bolmaq.

Sonymen qatar syrtqy dástúrli emes ıslamnan saqtaný sharalaryna da kóńil bólý tapsyryldy. Sapany kóterý maqsatynda keler jyly qajylyqqa keletin jolbasshy gıdterdi irikteý máselesi de jolǵa qoıylmaq. Buǵan Qazaqstan qajylyq mıssııasy jańasha kózqaraspen iske kirisetinin jetkizdi.

Aıta ketsek, qajylyq kezinde týyndaǵan túrli saýaldarǵa baılanysty ortaq áleýmettik jeli arqyly top qurylyp, sharıǵat jáne pátýa bóliminiń mamandary tez arada jaýap berýde. Bul óz kezeginde ýaǵyzshylardyń da jumysyn jeńildete túspek.