Týrnırden túsken qarajat jurtshylyq aldynda muqtajdarǵa úlestirildi (FOTO)

Elorda tórinde ótip jatqan Qazaqstan musylmandary dinı basqarmasynyń júldesi úshin uıymdastyrylǵan qazaq kúresinen V Respýblıkalyq týrnır iri kólemdegi qaıyrymdylyq sharasyna ulasty.

Aıtýly shara barysynda Elordamyzdaǵy Qarttar úıi men SOS Balalar úıine, sondaı-aq shuǵyl túrde ota jasalýy kerek úsh jasar sábıdiń anasy men turmys taýqymetin tartyp júrgen on balaly anaǵa 1 000 000 teńgeden qaıyrymdylyq  qarajaty berildi.

Aıta keteıik, dúbirli doda aıasynda oryn alǵan qaıyrymdylyq sharasy bıletten túsken qarjyǵa jáne «Zeket» qorynyń Astana qalasyndaǵy ókildigi men «Ýaqyp» qaıyrymdylyq qory atsalysýymen júzege asty.

Sport dodasyn tamashalaýǵa kelgen elordalyq aǵaıyn QMDB-nyń uıymdastyrýymen ótken is-sharaǵa dán rızashylyǵyn bildirip, alǵystaryn jaýdyryp jatty.