Túrli din ókilderi Qarttar úıine birlese tartý jasady (FOTO)

Halqymyzdyń qasterli merekesi – Táýelsizdik kúni qarsańynda Elordamyzdaǵy túrli dinı uıym ókilderi Malotımofeevka aýylyndaǵy Qarttar úıin arnaıy zııarat etip, merekelik tartý jasady. Nazarbaev Ortalyǵy men Din isteri komıtetiniń birlese uıymdastyrýymen ótken merekelik shara Qarttar úıindegi qarııalarǵa qýanysh syılap, ulyq meıram qarsańynda kóńilderin bir kóterip tastady.

Aıta keteıik, Qazaqstandaǵy dinı birlestikterdiń buǵan deıin birneshe márte ortaq otyrystary bolyp ótken edi. Alaıda, osy joly birlestik ókilderiniń bastamasy negizinde IV otyrys jumysy qaıyrymdylyq sharasyna ulasyp, Qarttar úıindegi qarııalarǵa túrli syılyqtar berilip, merekelik kontsert qoıyldy.

Shara shymyldyǵyn Din isteri komıtetiniń tóraǵasy Erjan Bolatqanuly Núkejanov myrza arnaıy ashyp, búgingi sharanyń mán-mańyzyna toqtalyp ótti. Qarııalarǵa izgi tilegin jetkizip, búgingi merekelik sharaǵa atsalysqan barsha uıymdarǵa alǵysyn aıtty. Aıta keteıik, atalmysh sharaǵa Nur-Sultan qalasyndaǵy 13-ten astam dinı birlestik ókilderi qatysyp, ulyq mereke qarsańynda qarııalarǵa óz syılyqtaryn tartý etip otyr.

Mereke aıasynda respýblıkalyq «Áziret Sultan» meshitiniń naıb ımamy Baqytjan Ótkelbaev arnaıy quttyqtaý lebizin aıtyp, Nur-Sultan qalasynyń bas ımamy, naıb múftı Naýryzbaı qajy Taǵanulynyń ystyq sálemin jetkizdi. Sondaı-aq, Nur-Sultan ókildiginiń Jastar isi sektorynyń qyzmetkerleri qarııalardyń kóńilin kóterip, merekelik kontsert uıymdastyrdy. Kesh sońynda ókildik atynan Ortalyqtaǵy qarttarǵa merekelik dastarhan jaıylyp, erekshe qurmet kórsetildi.

Sýretterdi «FOTOGALEREIa» aıdarynan kóre alasyzdar!