Túrkııa koronavırýs indetiniń ekinshi shyrqaý shegine jetkenin málimdedi

Túrkııa memleketinde koronavırýs indetin juqtyrǵandar sany ekinshi shyrqaý shegine jetip otyr. Bul jaıynda eldiń Densaýlyq saqtaý mınıstri Fahrettın Hodja málimdedi.

«Biz qazir indettiń birinshi tolqynynyń ekinshi shyrqaý shegin bastan keshirýdemiz. Kún sanap emdelýshilerdiń de, kóz jumǵandardyń da sany ósip keledi. Bul jaǵdaı bizdiń elimizde de, álem boıynsha baıqalyp otyr», – deıdi ol.

Mınıstrdiń aıtýynsha, sońǵy táýliktiń ózinde Túrkııada koronavırýs juqtyrǵan 45 naýqas kóz jumǵan. Buǵan qosa, 1596 jannan aýrýdyń belgileri tirkelgen. Mınıstrliktiń málimeti boıynsha, el aýmaǵynda naýqastar sany 273 301 adamǵa jetken.