TÚRKIIa: «HADIS ÁDISNAMASYNA KIRISPE» KITABYN STÝDENTTERGE TANYSTYRDY

Qazaqstan musylmandary dinı basqarmasynyń Túrkııa Respýblıkasyndaǵy ókili Jandos Aıtbaı Ankara qalasyndaǵy dinı oqý oryndarynda bilim alyp jatqan stýdenttermen kezdesti.

Jandos Ómirzaquly bilim jolyndaǵy shákirtterge QMDB Tóraǵasy, Bas múftı Naýryzbaı qajy Taǵanulynyń sálemin jetkizip, oqýlaryna sáttilik tiledi. Kezdesý barysynda «Talaba» qaýymdastyǵynyń uıymdastyrýymen qaýymdastyq múshesi, Ankara áleýmettik Ǵylymdar ýnıversıtetiniń aǵa oqytýshysy Ozat Shámshıev arab tilinen qazaq tiline aýdarylǵan «Hadıs ádisnamasyna kirispe» kitabyn tanystyrdy. Atalmysh kitap «MUFTIYAT» baspasynan Bas múftı jetekshiligimen jaryq kórgen bolatyn.

Sóz barysynda aýdarmashy aýdarma isi barysyndaǵy este qalar sátterin aıtyp berdi. Kitaptyń basylyp shyǵýyna yqpal jasaǵan Bas múftı Naýryzbaı qajy Taǵanulyna jáne «MUFTIYAT» baspasy ujymyna erekshe alǵysyn bildirdi.
Shara sońynda «Talaba» qaýymdastyǵy qonaqtarǵa dastarqan jaıyp qurmet kórsetti.

​Derekkóz: muftyat.kz