Túrkııa elshisi Múftııattyń jańa ǵımaratyn aralady (FOTO)

Astanada Qazaqstan musylmandary dinı basqarmasynyń tóraǵasy Serikbaı qajy Oraz Túrkııanyń elimizdegi Tótenshe jáne Ókiletti Elshisi Nevzat Ýıanyk myrzamen kezdesip, múftııattyń ǵımaratymen tanystyrdy.

«Jańa ǵımarattaryńyz qutty bolsyn. Rasynda, bul – tarıhı oqıǵa, úlken jeńis. Alla berekeli etsin. Biz, baýyrlas túrik halqy qýanyshtaryńyzǵa ortaqpyz», – degen tilegin jetkizdi elshi.

Bas múftı záýlim keńse asyl dinimizdiń janashyry Elbasynyń bastamasymen salynǵanyn atap ótti.

Aıta keteıik, 4 qabatty záýlim ǵımarattyń kitaphana, akt zaly, sport zaly, namazhanasy, kompıýter bólmesi bar.

QMDB-nyń ákimshilik ǵımaratynyń qurylysy 2015 jyly bastalyp, 2018 jyldyń 14 jeltoqsanynda paıdalanýǵa berildi. Ǵımarattyń jer aýmaǵy 1,2 ga, al keńseniń jalpy aýmaǵy 12 019 sharshy metr.

Ǵımarat 4 bloktan turady: A blok (4 qabat ákimshilik korpýs) 8 996 sharshy metr, B blok (4 qabat jataqhana) 2 019 sharshy metr, V blok (1-qabatta akt zaly) 447 sharshy metr, G blok (1-qabatta sport zaly) 557 sharshy metr.

Jańa keńse demeýshilerdiń qoldaýymen turǵyzyldy.

Alla Taǵala saýapty iske úles qosqan barsha azamattarǵa razy bolsyn!