Túrkistanda Tatýlasý ortalyǵy ashyldy
Túrkistanda janjaldasýshy taraptar arasyndaǵy daýlardy sotqa deıin sheshýdi kózdeıtin Tatýlasý ortalyǵy jumysyn bastady. Bul týraly Túrkistan oblystyq sotynyń baspasóz qyzmeti habarlaıdy.
«Qazaqstan medıatorlarynyń qaýymdastyǵy» zańdy tulǵalar birlestiginiń Tatýlasý ortalyǵynyń ashylý rásimine sýdıalar, oblystyq ákimdik pen QHA fılıalynyń ókilderi, medıatorlar men zańgerler qatysty. Shara barysynda Túrkistan oblystyq sotynyń azamattyq ister jónindegi sot alqasynyń tóraǵasy Túgel Bekımbetov Ortalyqtyń tatýlastyrý rásimderin tanymal etýge jáne daýlardy sotqa deıingi jáne sottaǵy tatýlasý arqyly sheshýge baǵyt ustaıtynyn atap ótti.
Qazaqstan medıatorlary qaýymdastyǵynyń prezıdenti Dana Kenjeǵulova Ortalyq jumysynyń kásipqoı medıatorlar men zańgerlerge turaqty negizde qyzmet kóqrsetýge, olardyń janjaldasýshy taraptar arasyndaǵy daýlardy sotqa deıin sheshýine septigin tıgizýge baǵyttalady deıdi.
Ortalyqtyń jaryq ta jaıly kabınetteri qolaıly jıhazben, uıymdastyrý tehnıkasymen jabdyqtalǵan. Qabyrǵalarynda medıatsııanyń artyqshylyqtary týraly aqparat beretin materıaldar ornalastyrylǵan.
Qonaqtar medıatorlardyń jumys oryndarymen tanysty jáne kelýshilerge jasalǵan qolaıly jaǵdaılar jóninde jaqsy pikirler bildirdi.
