Túrkistanda halyqaralyq ǵylymı konferentsııa ótti (FOTO)

Túrkistan oblystyq ókildiginiń uıymdastyrýymen «Qaýamad-dın ál-Itqanı ál-Farabı at-Túrkistanıdiń ómiri men murasy» atty halyqaralyq ǵylymı konferentsııa ótti.

Qazaqstannan Ábsattar Derbisáli, Dosaı Kenjetaı bastaǵan ǵalymdar legi qatysty. Al Ózbekstannan 7, AQSh-tan 1 professor kelse, elordasy Nur-Sultan men Almaty qalalarynan ǵalymdar onlaın qosylyp, baıandama oqydy. QMDB Dinı bilim jáne kadr daıarlaý bóliminiń meńgerýshisi, ıslamtanýshy-ǵalym Smaıyl Seıtbekov sóz sóılep, Bas múftı Naýryzbaı qajy Taǵanulynyń sálemin jetkizdi.

Qaýamad-dın ál-Itqanı ál-Farabı at-Túrkistanı 1286-1357 jyldary ómir súrgen din ǵulamasy. Fıkh, aqıda ilimin jetildirýde, hanafı mázhabyn qalyptastyrýda zor eńbek sińirgen. Ǵulama murasy tereń zertteýdi ári nasıhattaýdy qajet etedi. Konferentsııa barysynda ǵalymdar óz oılaryn ortaǵa saldy.

Sondaı-aq ǵalymdar Iqan aýylyndaǵy «Mirtemir» murajaıynda saqtalǵan kóne kitaptar kórmesin tamashalady. Qaýamad-dın ál-Itqanı ál-Farabı atyndaǵy baýda tal otyrǵyzdy. Jergilikti aqsaqaldarmen júzdesip, Máýlit oqý rásimine de qatysty.