Túrkistan oblysy: Balalar Quran Kárimdi jatqa oqýdan jarysty

03 qańtar 2019 6412 0 Оqý rejımi

Qasıetti Paıǵambarymyz Muhammed (s.a.ý) týǵan aıynyń qurmetine Shardara aýdany Aqaltyn aýyldyq meshitiniń bas ımamy Erbol Júsipálıevtiń uıymdastyrýymen Quran jarys ótti. Oǵan aýdandaǵy meshitterdegi dinı saýat ashý kýrstarynda oqyp jatqan ul jəne qyz balalar qatysty.

Saıyskerlerge Quran Kárimdi I - paradan jatqa oqý talaby qoıyldy. Negizgi maqsat-jastardyń Qurandy jattaýǵa degen yqylasyn arttyrý.

Quran - adamzat balasyna aq pen qarany aıyratyn kitap. Paıǵambarymyz Muhammed (s.a.ý) aıtady «Sizderdiń aralaryńyzda eń jaqsylaryńyz Qurandy úırenip, úıretkenderińiz», - deıdi. Atalmysh saıysqa 70 shákirt qatysty.

Qatysýshylardyń Qurandy jatqa oqýmen qatar, dybystardy qatesiz aıtýy basty nazarǵa alyndy. Quran Kárimdi 1-paradan jatqa oqýdan:

I - orynǵa Arystan Abdýssodıq (50 000 teńge syıaqy),

II - oryndy Esen Holıd (40 000 teńge syıaqy), III - oryndy Muratov Arman (30 000 teńge syıaqy) ıemdendi.

Jarty paradan:

I - oryndy Shardara aýyly «Shardara» meshitiniń shákirti Keldibek Meıirjan (30 000 teńge syıaqy),

II - oryndy Shardara aýdany Aqaltyn aýyly «Aqaltyn» meshitiniń shákirti Ydyrys Nurbek (20000 teńge),

III - oryndy Shardara aýdany Aqaltyn aýyly «Aqaltyn» meshitiniń shákirti Nuralıev Temirhan (10000 teńge) ıelendi.

On súreden:

I - oryndy «Aqaltyn» meshitiniń shákirti Ydyrys Erasyl (20 000 teńge syıaqy),

II - oryndy Shardara qalasy «Ábý Mansýr ál - Matýrıdı» meshitiniń shákirti - Aıtbaı Ramazan (10000 teńge), III - oryndy Sútkent aýyly «Asylhan ata» meshitiniń shákirti Nursultan Smaǵul (5000 teńge) ıelendi.

Jarysqa qatysqan shákirtterge sertıfıkat tabys etildi. Sonymen qatar salaýatty ómir saltyn qalyptastyrý maqsatynda týrnıkke tartylýdan, qoshqar kóterýden jarystar ótkizildi.

Pіkіrler Kіrý