TÚRKI MEMLEKETTERI MÚFTILERI OIShYL, ǴULAMA BAKÝVIDIŃ KESENESIN ZIIaRAT ETTI

Búgin Ázerbaıjanǵa jumys saparymen barǵan túrki memleketteri múftıleri ázerbaıjandyq oıshyl, kórnekti ǵalym ári rýhanı ustaz sheıh Seııd Iahııa Bakývıdiń kesenesin zııarat etip, ǵulamanyń rýhyna qasıetti Quran aıattaryn baǵyshtady.

Qasıetti Quran batasyn Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jasady.

Aıta ketsek, Seııd Iahııa Bakývı – Ázerbaıjan topyraǵynda dúnıege kelip, kúlli túrki-musylman órkenıetiniń rýhanı keńistigine yqpal etken kórnekti tulǵa. Ol XV ǵasyrda ómir súrip, ǵylym men rýhanııatty, bilim men tárbıeni, adamnyń ishki kemeldenýi men qoǵamdyq jaýapkershilikti ózara sabaqtastyrǵan oıshyldardyń biri boldy.

Erteń Baký qalasynda Túrki memleketteri uıymy Múftıler alqasynyń jetinshi májilisi ótedi. Alqaly jıynda Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly arnaıy baıandama jasaıdy. Sondaı-aq Múftıler alqasynyń jumys josparyna sáıkes, túrki memleketteri múftıleri birqatar qujattar men birlesken málimdemelerge qol qoıýdy dep kútilýde.