TÚRKI MEMLEKETTERI MÚFTILERI BIRLESKEN MÁLIMDEMELERGE QOL QOIDY

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Ázerbaıjan eline barǵan jumys saparynda Baký qalasynda ótken Túrki memleketteri uıymy janynan qurylǵan Múftıler alqasynyń jetinshi otyrysyna qatysyp, birlesken málimdemelerge qol qoıdy. 

Túrki memleketteri múftıleri «Nekeni dáripteý, otbasyn qorǵaý jáne nyǵaıtý jónindegi ortaq jaýapkershilik», «Islamnyń ǵylym men tehnologııaǵa kózqarasy» týraly málimdemelerge jáne «Musylman ekeni belgili bolǵan adamdy tákfır etýdiń (kápir dep úkim etýdiń) úkimi» týraly qujat qol qoıdy.

Atalǵan qujattar otbasy qundylyǵyn halyqaralyq deńgeıde nasıhattaýdy kózdeıdi. Jastardy bilim men ǵylymdy, qazirgi zamanaýı tehnologııany ıgerýge úndeıdi. Túrki musylman úmbetin rýhanı birlikke shaqyrady.