Túrki elderi ǵalymdary Samarqandta pátýa máselelerin talqylady

Ózbekstan Respýblıkasynyń tarıhı Samarqand qalasynda aqpannyń 2-3 aralyǵynda Túrki memleketteri uıymy Bas múftıler alqasynyń janyndaǵy Pátýa keńesiniń kezekti májilisi ótti. Jıynǵa Ázerbaıjan, Qazaqstan, Qyrǵyzstan jáne Túrkııadan ǵalymdar men din mamandary qatysty.

Atalǵan sharaǵa Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń tapsyrmasymen QMDB atynan Tóraǵa orynbasary, Sharıǵat jáne pátýa bóliminiń meńgerýshisi Sansyzbaı Qurbanuly, Halyqaralyq baılanys jáne hattama bólimi meńgerýshisi Marat Dálelhanuly, sondaı-aq Sharıǵat jáne pátýa bóliminiń mamany Baýyrjan Ergeshuly qatysty.

Kún tártibinde memleketterge ortaq Ramazan aıynyń bastalýy, aıt merekeleri, «Jasandy ıntellekt úkimi», ushyrǵa qatysty máseleler qaraldy.

Jıynda dástúrli dinı ustanymdardy nasıhattaý, halyqtyń dinı birligin nyǵaıtý, jastardyń dinı saýatyn arttyrý jáne dinı alaýyzdyqqa jol bermeý baǵytyndaǵy birlesken sharalardy pysyqtaý tapsyryldy.






​