Turǵyndary jıi ajyrasatyn musylman memleketi anyqtaldy

Saýd Arabııasynyń Ádilet mınıstrligi 2019 jyldyń mamyr aıyndaǵy neke men ajyrasý kórsetkishterin jarııalady. Bir qyzyǵy, koroldik turǵyndary arasyndaǵy neke men sheteldik azamattarmen jup qurǵan januıalar arasyndaǵy kórsetkishter arasy jer men kókteı bolyp otyr.

Málimetterge súıensek, bıylǵy jyldyń mamyr aıynda koroldik turǵyndar arasynda 711 neke qıylǵan eken. Al, ajyrasqandar sany 900-ge jetken.

Al, jubaılardyń biri sheteldik azamat bolǵan neke sany – 2596. Al, ajyrasqandar sany 228 bolyp otyr.

Sondaı-aq, jarııalanǵan málimette Saýd Arabııasynda talaq máselesi tym ýshyǵyp turǵany aıtylady. Koroldik azamattary, tipti, tamaǵy sýyq bolǵany úshin, áıeli fýtbol kórgeni úshin nemese áleýmettik jelini paıdalanǵany, tym semirip ketkeni úshin, t.s.s. sebeptermen jubaılaryn jarty jolda qaldyryp kete beretini belgili bolyp otyr.