Tuńǵysh Prezıdent kúnine oraı halyqaralyq konferentsııa ótti (FOTO+VIDEO)

Qazaqstan Respýblıkasynyń Tuńǵysh Prezıdenti kúnine oraı búgin el astanasynda «N.Nazarbaevtyń beıbitshilik pen toleranttylyq modeli» atty halyqaralyq konferentsııa bolyp ótti.  Aqparat jáne qoǵamdyq damý mınıstrliginiń uıymdastyrýymen ótken alqaly jıynǵa QR Syrtqy ister mınıstriniń orynbasary Erjan Ashyqbaev, Din isteri komıtetiniń tóraǵasy Núkejanov Erjan, Elbasy kitaphanasynyń dırektory Rahymjanov Ámirhan, qoǵam qaıratkeri Tólegen Muhamedjanov bastaǵan el aǵalary qatysyp, búgingi basqosýǵa oraı súbeli baıandamalar jasady. 

Bas shahardaǵy «Dostyq úıinde» ótken berekeli basqosýǵa Vatıkan elshisi FrEnsıs Assızı, Pákistandaǵy Islamabad halyqaralyq ýnıversıtetiniń Islamdy zertteý ınstıtýtynyń dırektory, doktor Mýhammed Zııa Ýl-Haj, Izraıl elshisi Lıat Vekselman syndy ókiletti tulǵalar da arnaıy shaqyrylyp, Tuńǵysh Elbasy Nursultan Nazarbaevtyń álem aldyndaǵy eńbegi men abyroıy pash etildi.

Kóregen basshynyń beıbitshilik pen toleranttylyq ornatýdaǵy eren eńbekterin dáriptegen konferentsııa jumysyna elimizdegi din basshylary da arnaıy shaqyrylǵan bolatyn. Halyqaralyq jıynǵa QMDB tóraǵasynyń birinshi orynbasary, naıb múftı, Nur-Sultan qalasynyń bas ımamy Naýryzbaı qajy Taǵanuly qatysyp, jas memleketimizdiń táýelsizdik jyldary ishinde dinı kelisim men birliktiń otanyna aınalyp qana qoımaı, álemdik deńgeıdegi Dinder sezdin, Sırııa kelissózderin júrgizý barysyndaǵy jasampaz úlgisi jaıly baıandama jasady.

Sýretterdi «FOTOGALEREIa» aıdarynan kóre alasyzdar!