Terrorızmdi qarjylandyryp otyrǵan elder tizimi jarııalandy

Eýro Odaqtyń eń joǵarǵy atqarýshy organy – Eýrokomıssııa terrorızmdi qarjylandyryp otyrǵan birneshe memleket tizimin jasap shyǵarǵan eken. Eýropa elderine qaýip tóndiretin «qara tizimdegi» memleketter qataryna Saýd arabııasy bastaǵan birneshe musylman elderi engizilgen.

Árıne, atalmysh tizimniń tolyq nusqasy ázirge esh jerde jarııalana qoımaǵan. Alaıda, bul tizimde Iran, Irak, Sırııa, Aýǵanstan jáne Qytaı sekildi memleketter bary belgili bolyp otyr.

Bul memleketterdiń «qara tizimge» ený sebebin Eýrokomıssııa «terrorıstik rejımdi qarjylandyrý jáne jemqorlyqpen kúres salasy boıynsha strategııalyq máselelermen» baılanystyryp otyr.

Aıta keteıik, bul tizimge engen memleketterge qatysty EýroOdaqtyń birqatar shekteý sharalary bar. Mysalǵa, bul eldermen jumys jasaıtyn bankter qyzmetine qosymsha tekserýler júrgizilip otyratyn bolmaq.