Terakt kezinde qaza bolǵandardy eske alý sharasy ótti

Keshe Aqtóbedegi 66/55 áskerı bóliminde erlikpen qaza tapqan jaýyngerlerdi eske alý saltanatty sharasy ótti, dep jazady Aktobenews.kz. QR Ulttyq ulan bas qolbasshysynyń oq atý saıysy boıynsha birinshiligi áskerı boryshyn oryndaý kezinde erlikpen qaza tapqandar qurmetine arnalǵan.

«Aqjar» oqý-jattyǵý alańynda ótetin is-sharaǵa 70-ten asa áskerıler qatysady. Týrnırge Astana, Shyǵys Qazaqstan, Batys Qazaqstan óńirindegi áskerı bólimderdiń sportshylary kelgen.

«Úsh jyl buryn qyzmet ústinde qaza tapqan jaýyngerler erligi umtylmaıdy. Olar el úshin keýdesin oqqa qoıdy. Jaýyngerlerdiń aldynda basymdy ıemin. Búgingi shara qatysýshylaryna jeńis tileımin», – dedi «Batys» óńirlik qolbasshylyǵynyń orynbasary Pavel Sıtnıkov.

2016 jyldyń 5-maýsymynda áskerı boryshyn oryndaý kezinde qaza tapqandar esimi bólimshede taspen jazýly tur. Eske salsaq, qarýlý qaqtyǵys kezinde maıor DanıEl Maılybaev, kishi serjant Berikjan Qalıev jáne qatardaǵy jaýynger Dosbol Sapar qaza boldy.