Tegin taksı qyzmeti juma kúni qaıta jalǵasty (FOTO)

Aýa-raıy kúrt qubylyp, aqtútek boran men saqyldaǵan aıaz qursaýyna túsken Elorda halqy úshin ótken aptalardaǵy aýyr kúnder artta qalǵandaı. Kólikter kepteliske túsip, jaıaý júrginshiler úshin qarǵa adym jer muń bolǵan borandy kúnderdiń álegi basylǵanymen, áli de qys qahary seıiler emes.

Osyǵan oraı, QMDB Nur-Sultan ókildigine qarasty qulshylyq ordalary «Izgi qala turǵyndary» qaıyrymdylyq aktsııasyn osy aptada da jalǵastyrýdy jón sanap otyr. Qasıetti juma namazy aldynda meshit qyzmetkerleri men jamaǵatynan quralǵan eriktiler toby taǵy da saýapqa toly saparlaryn bastady. Aıta keteıik, atalmysh aktsııa erikti azamattardyń usynysymen áli de jalǵasa túsetin bolmaq.

Sýretterdi «FOTOGALEREIa» aıdarynan kóre alasyzdar!