Syr ımamdary Túrkistan shaharynda (FOTO)
Bas múftı Serikbaı qajy Oraz el Prezıdenti N.Nazarbaevtyń jarlyǵymen qurylǵan Túrkistan oblysynda QMDB ókildigin ashý týraly sheshimi arqyly Elbasymyzdyń bastamasyna qoldaý bildirgen edi.
Osy rette, QMDB-nyń Qyzylorda oblysy boıynsha ókil ımamy Bolatbek Ulasqanuly bastaǵan Syr óńiriniń ımamdary biraýyzdan atalmysh oblystaǵy ókildikti zııarat etý maqsatynda arnaıy saparmen bardy.
Ókil ımam bastaǵan ımamdar QMDB-nyń tóraǵasynyń birinshi orynbasary, naıb múftı Naýryzbaı Taǵanulymen kezdesip, rýhanı oblys ortalyǵyndaǵy jańa ókildiktiń jumystaryna sáttilik tiledi.
Keleli kezdesý barysynda oblystaǵy dinı ahýal jaıly sóz bolyp, qos taraptan aldaǵy ýaqytta birlese jumys jasaý, ózara tájirıbe almasý, jańa bastamalardy júzege asyrý sekildi usynystar jasaldy.
Tóraǵa orynbasary óz kezeginde, bul sapar - oblystaǵy dinı ahýal turaqtylyǵy men din qyzmetkerleriniń aýyzbirshiligi adam qyzyǵarlyq dárejede ekeniniń dáleli dep, syr ımamdary men ókil ımamǵa izgi nıetteri úshin alǵysyn bildirip, oblys ókildiginiń bastamasyn joǵary baǵalady.
Kıeli shahardaǵy keleli kezdesý túrki áleminiń rýhanı astanasynda ornalasqan Qoja Ahmet Iassaýı kesenesine baryp baba rýhyna Quran baǵyshtaýmen aıaqtaldy.
