Stýdent jastar «Áziret Sultan» meshitinde aýyz ashty (FOTO)

Búgin Astana qalasyndaǵy JOO stýdentteri respýblıkalyq «Áziret Sultan» meshitindegi aýyzashar dastarhanyna arnaıy shaqyrylyp, qurmetti qonaq boldy. Alla razylyǵy úshin aýyz bekitip, oraza ustaǵan stýdentter qaýymy «Berekeli Ramazan» dastarhany aıasynda ýaǵyz-nasıhat tyńdap, rýhanı turǵydan da nárlenip qaıtty. Elordamyzdaǵy bedeldi ýnıversıtetter qabyrǵasynda bilim alyp jatqan jastarmen «Áziret Sultan» meshiti bas ımamynyń kómekshisi Jandos Tájimuratuly kezdesip, jastyq shaqtyń qadiri jaıynda tushymdy oı tolǵady.

Ardaqty Alla elshisi Muhammed paıǵambarymyzdyń (s.ǵ.s.) «kárilik kelmeı turyp, jastyq shaqtyń qadirin bil!» degen ósıetinen  bastalǵan taǵylymdy ýaǵyz stýdentter qaýymyna erekshe áserin berip, berekeli keshtiń taǵylymǵa ótýine septigin tıgizdi. Jalyndy jastyq shaqty oqý-bilimge arnap, dúnıelik ári aqyrettik paıdasy bar ıgi isterge jumsaýǵa úndegen búgingi ýaǵyzdyń Elordamyzdyń belsendi jastaryna tyń seerpilis berip, jaqsylyqqa jeteleı túseri de anyq.

Osylaısha, berekeli dastarhan ústinde bas qosyp, shat-shadyman kúı keshken jastarǵa kesh sońynan «Áziret Sultan» meshitiniń atynan Ramazan aıynyń qurmetine oraı kitaptar úlestirilip, qurma men táttiler toltyrylǵan syılyq sómkeleri tartý etildi.