Smaıyl Seıitbekov dinı bilim jáne kadr daıarlaý bóliminiń meńgerýshisi bolyp taǵaıyndaldy (FOTO)
Búgin Bas múftı Naýryzbaı qajy Taǵanulynyń buıryǵymen Smaıyl Seıitbekov QMDB Dinı bilim jáne kadr daıarlaý bóliminiń meńgerýshisi bolyp taǵaıyndaldy.
«Seıitbekov Smaıyl Súıerqululy QMDB Halal standarttaý bóliminiń meńgerýshisi, QMDB-ǵa qarasty «Halal damý» JShS dırektory qyzmetinen bosatylyp, QMDB Dinı bilim jáne kadr daıarlaý bóliminiń meńgerýshisi bolyp taǵaıyndalsyn» delingen Bas múftı buıryǵynda.
Naýryzbaı qajy Taǵanuly Smaıyl Súıerqululyn resmı taǵaıyndaý rásiminde onyń ǵylym men bilim salasyndaǵy tájirıbesi men eńbegin erekshe atap ótip, jańa qyzmetine sáttilik tiledi.
Smaıyl Súıerqululy Seıtbekov
1976 jyly týǵan.
Bilimi men biliktiligi:
1992 jyly mektep bitirgen soń Qazaqstan Respýblıkasy men Túrkııa Respýblıkasy arasyndaǵy kelisim-shart negizinde Túrkııaǵa joǵary bilim alý úshin barǵan.
1992-1993 jyly Býrsa qalasyndaǵy túrik tilin úıretý ortalyǵynda til úırengen.
1993 jyly Býrsa qalasyndaǵy Ýlýdag ýnıversıtetiniń Ilahııat (teologııa) fakýltetine túsip, 1998 jyly «Teolog» mamandyǵy boıynsha bitirgen.
1998-2003 jyldar aralyǵynda Shymkent qalasyndaǵy Halyqaralyq Qazaq-Arab ýnıversıtetinde oqytýshy bolyp qyzmet atqarǵan. Ýnıversıtet qabyrǵasynda qyzmet etip júrip «Islam tarıhy (ámáýıler men abbasıdter kezeńi)», «Islam ádebi» atty kitap jazǵan.
2003-2005 jyldar aralyǵynda Ál-Farabı atyndaǵy Qazaq ulttyq ýnıversıtetiniń «Dintaný» mamandyǵy boıynsha magıstratýrasyn qyzyl dıplommen bitirgen.
2005-2007 jyldar aralyǵynda Ál-Farabı atyndaǵy Qazaq ulttyq ýnıversıtetiniń aspırantýrasyn támamdaǵan.
2010 jyldyń 30 qańtar kúni Ál-Farabı atyndaǵy Qazaq ulttyq ýnıversıtetinde «Islamdaǵy sýnna iliminiń mádenı, tarıhı orny» taqyrybynda kandıdattyq dıssertatsııa qorǵaǵan.
Eńbek joly:
2004-2005 jyldar aralyǵynda Almaty qalasyndaǵy Tastaq meshitinde naıb ımam bolyp qyzmet etken.
2005-2011 jyldar aralyǵynda Qazaqstan musylmandary dinı basqarmasynyń Batys Qazaqstan oblysy boıynsha ókil ımamy, Oral oblystyq ortalyq meshitiniń bas ımamdyq qyzmetin atqarǵan.
2008-2011 jyldar aralyǵynda «Oral medresesiniń» dırektory qyzmetin qosa atqarǵan.
2011-2013 jyldar aralyǵynda QMDB-nyń Dinı oqý-aǵartý bóliminiń meńgerýshisi qyzmetin atqardy.
2013-2019 jyldar aralyǵynda QMDB-nyń Mańǵystaý oblysy boıynsha ókil ımamy, Mańǵystaý oblystyq ortalyq meshittiń bas ımamy bolyp qyzmet etti.
2019 jyldyń qazan aıynan bastap QMDB Halal ónimderin standarttaý bóliminiń meńgerýshisi qyzmetin atqardy.
2020 jyldyń 13 sáýirinde QMDB Dinı bilim jáne kadr daıarlaý bóliminiń meńgerýshisi qyzmetine taǵaıyndaldy.
Otbasyly, 5 uldyń ákesi.
