Sıngapýrde koronavırýsqa qatysty pátýa shyǵaryldy

Sıngapýr memleketiniń Islamı-dinı Keńesi eldegi musylmandarǵa arnap jańa pátýa shyǵardy. Jańa pátýa negizinde dinı basshylar ózderin jaısyz sezingen nemese karantınge jatqyzylǵan musylmandardyń juma namazyna kelmeýin eskertedi.

Jańa pátýa Sıngapýrde koronavırýs dertin juqtyrý belgileri tirkelgen soń shyǵarylyp otyr. Aıta keteıik, 31-qańtar kúni Sıngapýr Densaýlyq saqtaý mınıstrligi 13 adamnyń atalmysh dertke shaldyqqany týraly málimdegen bolatyn.

Islamı-dinı Keńes músheleri, sondaı-aq, el azamattaryn koronavırýs derti jaıly daýryqpa áńgimelerdi órshitip, qoǵam arasynda qorqynysh pen úreı týǵyzbaýǵa shaqyryp otyr.

«Sıngapýrlyq musylmandar atalmysh aýrýdyń taralýyna jol bermeýge jáne jaǵdaıdyń baqylaýda bolýyna jaýapkershilik sezinýi tıis. Islam dini bizdi qoǵam ıgiligi úshin qyzmet jasaýǵa úndeıdi», – delingen Keńestiń saıtynda.