Shymkent qalasynyń bas ımamy taǵaıyndaldy (FOTO)

Búgin, qasıetti juma kúni QMDB Tóraǵasy, Bas múftı Naýryzbaı qajy Taǵanulynyń buıryǵymen Shymkent qalasynyń bas ımamy qyzmetine Baqdaýlet Nurmatuly Abdýrahmanov taǵaıyndaldy.

Shymkent qalasyna arnaıy kelgen QMDB Din isteri jáne taldaý bóliminiń meńgerýshisi Nurbek  qajy Esmaǵanbet buǵan deıin elordadaǵy «Nur-Astana» meshitinde abyroıly qyzmet atqarǵan Shymkent qalasynyń jańa bas ımamyn tanystyryp, aldaǵy atqarar qyzmetine sáttilik tiledi. Al Baqtybaı qajy Beısenbaev Bas múftı Naýryzbaı qajy Taǵanulynyń buıryǵymen basqa qyzmetke aýysty.

Meshit qyzmetkerleri qatysqan jıynda QMDB Din isteri jáne taldaý bóliminiń meńgerýshisi Nurbek qajy Áýeshanuly tórt baǵyt boıynsha jumystardy kúsheıtý, túrli kereǵar aǵymdardyń aldyn alý, jastar tárbıesi t.b. ózekti jumystar týraly aıta kele naqty tapsyrma berdi. 

Baqdaýlet Nurmatuly Abdýrahmanov

Bilimi:

1996-1998 jyldary Shymkenttegi «Arystan bab» medresesin, 2001-2005 jyldary Shymkenttegi Halyqaralyq qazaq-arab ýnıversıtetin «Dintaný jáne arab tili» mamandyǵy boıynsha bitirgen. 2006-2011 jyldary Qazaq qatynas joldary ýnıversıtetin támamdap, ekinshi joǵary bilim «Ekonomıka» mamandyǵyn alǵan.

Jumys ótili:

2003-2008 jyldary Jezqazǵan óńiri boıynsha ókil ımamnyń orynbasary, naıb ımam, 2008- 2014 jyldary Sátpaev qalalyq «Balmaǵanbet Balqybaıuly» meshitiniń bas ımamy, 2014-2019 jyldary Shymkent qalalyq «Abdýlhamıd Qattanı» meshitiniń bas ımamy qyzmetin atqardy.

2019 jyldan bastap Shymkent qalalyq «Halifa al-Nahaian agmeshit» meshitiniń birinshi naıb ımamy, Nur-Sultan qalasy «Nur-Astana» meshitiniń naıb ımamy qyzmetterin atqardy. Otbasyly, eki ul, eki qyzy bar.