Shymkent ımamdarynyń bilimin jetildirý ortalyǵy ashyldy (FOTO)

QMDB tóraǵasy, Bas múftı Serikbaı qajy Oraz hazrettiń tapsyrmasymen Shymkent qalasynyń ortalyq meshiti janyndaǵy «Aqmeshit» qaıyrymdylyq mekemesinde ımamdardy kásibı qaıta daıarlaý jáne biliktiligin kóterýge arnalǵan «Shymkent ımamdarynyń bilimin jetildirý ortalyǵy» ashyldy.

Atalmysh ortalyqtyń jumysyna Shymkent qalasynyń bas ımamy Baqtybaı qajy Beısenbaev arnaıy qatysyp, ımamdarǵa alǵashqy dáristi oqydy. Ortalyqty qala ımamynyń orynbasary ári «Aqmeshit» qaıyrymdylyq mekemesiniń dırektory Muhamedjan Estemirovtyń jetekshiligimen júrgizilýde. Kýrs 6 kúnge jalǵasady.

Kýrs barysynda QMDB-nyń bekitken oqý baǵdarlamasy aıasynda  «Quran Kárim», «Aqıda», «Hadıs ilimi» jáne «Sharıǵat úkimderi» pánderinen dáris júrgiziledi. Oqý kezeńinde ımamdardyń bilimi júıeli túrde aýyzsha suraý jáne synaq júrgizý arqyly baǵalanady.

Kýrs aıaqtalǵannan keıin túlekterge QMDB tarapynan bilim alýshylarǵa biliktilikti kóterý týraly belgilengen úlgidegi sertıfıkat beriledi. Al ımamdarǵa Mysyr Arab Respýblıkasy, áıgili ál-Ázhar jáne Nur-Múbárak ýnıversıtetinen tálim alǵan túlekteri, dintanýshy-mamandar  Dáýlet Týlenov, Aqtóre Turaptaı, Eraly Esengeldıev jáne Meıirbek Sársenbaevtar dáris beredi.

Sondaı-aq, Ortalyq jetekshisi M.Estemirovtyń aıtýynsha, Shymkent qalasyna qarasty 106 meshittiń 252-den astam meshit qyzmetkeri aldaǵy úsh aıda taǵylymdyq, kásibı qaıta daıarlaý jáne biliktiligin kóterýge arnalǵan kýrstan ótedi.