ShQO-daǵy zaýyttar Arysqa 107 mln aýdardy

Aımaq basshysy Danıal Ahmetovtiń bastamasymen qolǵa alynǵan Arys qalasynyń turǵyndaryna kómek kórsetý sharalaryna alǵashqylardyń biri bolyp óńirimizdegi iri kásiporyndar atsalysa bastady. Bul týraly altaynews.kz saıty habarlady.

Búginde «Kaztsınk», «ÚMZ», «TMK» men Baqyrshyq taý-ken óndirý kásiporyny arnaıy qurylǵan qaıyrymdylyq qoryna 107 mıllıon teńgeden astam qarajat aýdarǵan. Saýapty isten oblystaǵy Etnomádenı birlestikteri de qalyspaýda. Sońǵy aqparat boıynsha atalmysh birlestikter Arys qalasynyń turǵyndaryna 738 myń teńge aýdarypty. Bul jóninde óziniń Feısbýk paraqshasynda oblys ákiminiń orynbasary Ásem Núsipova jazady.

Osydan buryn habarlaǵanymyzdaı, «Shyǵys Aqparat» medıholdınginiń ujymy da jalpyhalyqtyq isten shet qalmaı, Arys qalasyndaǵy zardap shekkenderge qarjylaı kómek kórsetti. Medıaholdıngtiń 200-den astam qyzmetkeri azamattyq tanytyp, apatqa ushyrap jatqan Arys turǵyndaryna bir kúndik eńbekaqylaryn bir kisideı aýdarady.

«Túrkistan oblysyndaǵy qaıǵyly oqıǵaǵa baılanysty Arys qalasynan bir myń adamdy qabyldaýǵa daıynbyz. Osy maqsatta aldaǵy ýaqytta oblystyq ákimdik mamandary Arys qalasyna baryp, jergilikti halyqqa arnalǵan bos oryndar jármeńkelerin ótkizip, maman keńesterin bermek. Arys turǵyndaryna 1 528 bos jumys ornyn usynamyz. Qajet bolsa, biz Eńbek jáne áleýmettik qorǵaý mınıstrligine kvota jáne qarjylandyrý kólemin arttyrý jónindegi usynyspen shyǵýǵa daıynbyz», - dep jazady oblys ákiminiń orynbasary.