«Sheıh Kýnta qajy» meshitinde qaıyrymdylyq sharasy ótti (FOTO+VIDEO)
Elordada ornalasqan «Sheıh Kýnta qajy» meshitinde 485 muqtaj januıaǵa azyq-túlik sómkeleri taratyldy. Qaıyrymdylyq sharasy «Sheıh Kýnta qajy» meshiti men Elordadaǵy «Vaınah» sheshen-ıngýsh qaýymdastyǵy «Mıal» qaıyrymdylyq qorynyń uıymdastyrýymen júzege asty.
Shara barysynda jamaǵatpen arnaıy duǵa jasalyp, ótkenderdiń atyna Quran baǵyshtaldy. «Sheıh Kýnta qajy» meshitiniń Bas ımamy Ibrahım Keldibaıuly qaıyrymdylyqqa demeýshilik jasaǵan «Vaınah» sheshen-ıngýsh qaýymdastyǵynyń ókilderine rızashylyǵyn aıtyp, izgi tilegin bildirdi.
Aıta ketsek, atalmysh shara elimizdegi 1 naýryz - «Alǵys aıtý kúnine» oraı uıymdastyrylyp otyr. Sonaý 1944 jyly Qazaqstanǵa deportatsııalanǵan ıngýsh-sheshen halqy qıyn-qystaý sátte demep, kómek qolyn sozǵan qazaq halqyna dán rıza ekendikterin aıtady.
«Biz baýyrlas qazaq eline, árdaıym alǵysymyzdy aıtamyz. Alla Talaǵa birlik-yntymaǵymyzdy arttyra bersin! Elge amandyq, jurtqa tynyshtyq berip, kúlli musylman jurtshylyǵynyń aýyzbirshligin násip etsin!», dedi «Vaınah» sheshen-ıngýsh qaýymdastyǵynyń múshesi, Qazaqstan máslıhattarynyń qurmetti depýtaty Iýsýp Kelıgov.
