Serikbaı qajy Oraz Túrkııa din qyzmetkerlerine dáris oqydy (FOTO)

Búgin Qazaqstan musylmandary dinı basqarmasynyń tóraǵasy Serikbaı qajy Oraz Túrkııada bastalǵan "Din qyzmetkerleri jáne meshit" aptalyǵynyń ashylýyna qatysty. Saltanatty sharanyń shymyldyǵyn Túrkııa din isteri basqarmasynyń tóraǵasy, professor Álı Erbash ashty.

Igi sharaǵa Qazaqstan tarapynan QMDB tóraǵasynyń Birinshi orynbasary, Nur-Sultan qalasynyń Bas ımamy Naýryzbaı qajy Taǵanuly, Bas múftı keńesshisi Baltabaı Mekejanov, Sharıǵat jáne pátýa bóliminiń meńgerýshisi Sansyzbaı Qurbanuly, Nasıhat jáne qoǵammen baılanys bóliminiń meńgerýshisi Altynbek Utyshanuly, Is basqarýshy Erbosyn Oryn, Qajylyq jáne umra bóliminiń meńgerýshisi Jándilla Bekjigitov, Baspa jáne aýdarma bóliminiń meńgerýshisi Murat Ábdihalyqov, baspasóz hatshysy Aǵabek Qonarbaıuly qatysty.

Jıynda sóz alǵan Serikbaı qajy Satybaldyuly:

Qadirli din qyzmetkerleri!

Barshańyzǵa Atajurttaǵy aǵaıynnyń Anadolydaǵy baýyrlaryna, ıaǵnı Sizderge joldaǵan duǵaı sálemin jetkizýge ruqsat etińizder! Allanyń sizderge amandyǵy men bereketi bolsyn!

Barshańyzdy "Din qyzmetkerleri men meshit" aptalyǵynyń bastalýymen shyn júrekten quttyqtaımyn. Bul bastama Túrkııadaǵy barsha týysqan túrik baýyrlardyń rýhanı ómirine úlken serpin beredi dep senemin.

Túrkııa - áriptes ári eń jaqyn baýyrlas el. Tuńǵysh Prezıdentimiz Nursultan Nazarbaev táýelsizdik jyldarynda Qazaqstan men Túrkııa arasyndaǵy dostyq, baýyrmaldyq baılanysty joǵary deńgeıge kóterdi.

Allaǵa shúkir, baýyrlas elderdiń dinı saladaǵy baılanysy da artyp keledi.

Alla Taǵala Quranda buıyrǵandaı, biz bir-birimizge jaqsy isterde kómektesýimiz kerek. Ol úshin eń aldymen birlik kerek.

Alla Taǵala bizdiń birligimizdi baıandy etsin, túrki jurtyna, barsha musylman úmbetine jar bolsyn!" - dep atap ótti.