Serikbaı qajy Oraz Aqtóbe oblysy əkimdiginde Keńes otyrysyna qatysty (FOTO)
Qazaqstan musylmandary dinı basqarmasynyń tóraǵasy Serikbaı qajy Oraz Aqtóbe oblysynyń əkimi Berdibek Saparbaevtyń tóraǵalyǵymen ótken əkimdik janyndaǵy dinı birlestiktermen baılanys jónindegi keńeıtilgen Keńes otyrysyna qatysty.
Keńes jumysyn ashqan Berdibek Mashbekuly alǵashqy sózdi Serikbaı qajy Satybaldyulyna usyndy.
Keńeste sóz alǵan Bas múftı:
"Islam - qoǵamnyń rýhanı tiregi. Elimizdiń turaqtylyǵy men ulttardyń ózara tatýlyǵynyń nyǵaıýyna úles qosýda din qyzmetkerlerine de artylar jaýapkershilik úlken. Jumys barysynda ımam-moldalardy tarıhı kezeńde udaıy belsendi qyzmet etýge úndep kelemin. Barshamyzdyń múddemiz bir: qoǵam turaqtylyǵy men tatýlyǵy", - dep atap ótti.
Keńes jumysynda oblystyq din isteri basqarmasynyń basshysy Joldas Qalmaǵanbetov, QMDB-nyń Aqtóbe oblysy boıynsha ókil ımamy Tólebı Ospan, "Aqtóbe" medrese-kolledjiniń dırektory Əbdimútəli Dəýrenbekov baıandama jasady.
Kezdesý sońynda Bas múftı jergilikti túrli saladaǵy mekeme basshylarynyń suraqtaryna jaýap berdi.
