Senat tóraǵasy Oraza aıynyń bastalýymen quttyqtady

Senat Tóraǵasy Darıǵa Nazarbaeva qasıetti Ramazan aıymen quttyqtap, QMDB Tóraǵasy, Bas múftı Naýryzbaı qajy Taǵanulyna quttyqtaý hat joldady.

«Álemdik jáne dástúrli dinder lıderleriniń Sezi Hatshylyǵy atynan Sizdi jáne Qazaqstan musylmandary dinı basqarmasynyń ujymyn kúlli álem musylmandary úshin qasıetti, aılardyń sultany – Ramazan merekesimen quttyqtaımyn! Bul múbárak aıda musylmandardyń júrekteri meıirimdilik pen izgilikke tolyp, qamqorlyq pen qaıyrymdylyq ister jasaýǵa umtylady.

Qazaqstan musylmandary dinı basqarmasynyń kópkonfessııaly Qazaqstan qoǵamynyń birlikte ómir súrýine, musylman qaýymynyń yntymaqta bolýyna qosqan salmaqty úlesin baǵalaı otyryp, eldiń damýy men turaqtylyǵyn saqtaý jolyndaǵy qundy qyzmetińizge tabys tileımin», – dedi Darıǵa Nazarbaeva.