Semeıde «Alashdin» stýdııasy ashyldy (FOTO)

Endi Semeı meshitteri de jańa stýdııadan habar taratady. Bas múftı Naýryzbaı qajy Taǵanuly osy saparynda Qos munaraly meshitiniń janynan ashylǵan «Alashdin» stýdııasynyń jumysymen tanysty.

Semeı aımaǵynyń bas ımamy  Asqar Ábitaıuly Alash arystarynyń izi qalǵan óńirde babalarymyzdy ulyqtaý maqsatynda ashylǵan stýdııa nasıhat jumystarynyń jandanýyna septigin tıgizedi dedi.

Jańa stýdııanyń jumysyna sáttilik tilegen Bas múftı Alash qaıratkerleriniń amanatyna berik oryn bolsyn dedi.

«Allaǵa shúkir, qazir Alash arystarynyń armany oryndaldy. Olardyń basty armany Táýelsiz el bolý edi. Sol kúnge jettik. Endigi baǵytymyz – babalar jolynan jańylmaı jalǵastyrý», – dedi tusaýkeser rásiminen soń QMDB Tóraǵasy.

Jańa stýdııa aldaǵy ýaqytta «Halyq arna» telearnasyna tyń ónimder, suhbattar men ýaǵyzdar ázirlemek.