Semeı óńirine jańa ókil ımam taǵaıyndaldy (FOTO)
Búgin Qazaqstan musylmandary dinı basqarmasynyń Tóraǵasy, Bas múftı Serikbaı qajy Satybaldyulynyń buıryǵymen Asqar Ábitaıuly Muqanov Semeı óńiri boıynsha ókil ımam Semeı qalalyq «Qos munaraly» ortalyq meshitiniń bas ımam qyzmetine taǵaıyndaldy.
Qazaqstan musylmandary dinı basqarmasynyń Qaıyrymdylyq jáne ýaqyp isteri bóliminiń meńerýshisi Kamaljan Bekbosynuly Turdybaev juma namazy aldynda «Qos munaraly» ortalyq meshitiniń ujymy men jamaǵatqa Qazaqstan musylmandary dinı basqarmasynyń Tóraǵasy, Bas múftı Serikbaı qajy Satybaldyulynyń ystyq sálemin jetkizip jańa basshyny tanystyryp, bas múftıdiń buıryǵyn oqyp berdi.
Al buǵan deıin Semeı óńirine ókil ımam bolǵan Maqsat Qýanyshuly Altybaıǵa Alǵys hat tabystap, ıyǵyna shapan japty. Sanaly ómiri men bar bilimin Semeı óńirinde din ıslamnyń órkendep, damýyna arnaǵan din qyzmetkeri aldaǵy ýaqytta meshittiń naıb ımamy retinde jumysyn jalǵastyratynyn aıtty.
Asqar Ábitaıuly Muqanov
1984 jyly Almaty oblysy, Raıymbek aýdany, Narynqol aýylynda týǵan.
Osy aýyldaǵy «B.Soqpaqbaev» atyndaǵy orta mektep-gımnazııada 1991-2001jyldar aralyǵynda oqyǵan.
2005-2013 jj.. Egıpet Arab respýblıkasy Kaır qalasy «Al-Azhar» Islam ýnıversıtetinde «Sharıǵattaný» mamandyǵy boıynsha tamamdady. Oqý jyldarynda QR-nyń Egıpet Arab respýblıkasyndaǵy elshiliginiń taǵaıyndaýymen QR-nyń Mysyrdaǵy stýdentterge jaýapty starosta qyzmetin atqardy.
2014-2016 jyldar aralyǵynda Nur-Múbarak Egıpet ıslam mádenıeti ýnıversıtetiniń «Islamtaný» mamandyǵy boıynsha magıstratýrany bitirgen.
2014 jyly Máskeý qalasyndaǵy «Terrorızm men Ekstremızmniń aldyn alý joldary» maqsatynda júrgizilgen 2 aptalyq semınarǵa qatysyp sertıfıkat aldy.
2015 jyly QR-sy Prızıdenti janyndaǵy memlekettik basqarý akademııasynda saıasattaný, áleýmettaný pánderi boıynsha 1 aptalyq semınarǵa qatysyp sertıfıkat aldy.
2010 jyly Almaty oblysy, Qarasaı aýdany, Shamalǵan aýyly, meshitte jáne «Úshqońyr» medresesinde ustaz.
2013-2015 jyldary Almaty qalasy, Bostandyq aýdany «Orbıta» meshitinde naıb ımam.
2013 jyldan beri QMDB-nyń janynan qurylǵan Respýblıkalyq aqparattyq-nasıhat (RANT) jáne Jergilikti aqparattyq-nasıhat (JANT) tobynyń turaqty múshesi. RANT jumysy barysynda teris aǵymnyń aldyn alý maqsatynda ıslamtanýshy-teolog.
2014-2015jj. Nur-Mýbarak Egıpet ıslam mádenıeti ýnıversıtetinde tárbıeshi ustaz bolǵan.
2015 jyly qarasha aıynan bastap Astana qalasy Respýblıkalyq «Áziret Sultan» meshitinde saýat ashý kýrsy, teris aǵymmen jumys jasaý baǵyttary boıynsha naıb ımam.
2017 jyly mamyr-jeltoqsan aılary aralyǵynda «Áljan ana» meshitiniń bas ımamy.
2017-2018jj. Astana qalasynyń ókili ımamy, «Nur Astana» ortalyq meshitiniń bas ımamy.
2018 jyldyń qazan aıynan bastap, 2019 jyldyń qazan aıyna deıin «Nur Astana» qalalyq meshitiniń bas ımamy.
2017-2019jj. qazan aıynan bastap «Áljan ana» meshitiniń janynan ashylǵan «Imamdardyń bilimin jetildirý jáne kásibı qaıta daıarlaý» Respýblıkalyq ortalyǵynyń dırektory qyzmetinde boldy.
2019 jyldyń qazan aıynan bastap QMDB-nyń Semeı óńiri boıynsha ókil ımamy bolyp taǵaıyndaldy.
Qazaqstan Respýblıkasynyń Dinı birlestikter ókilderiniń qatysýymen ótkiziletin jıyndardyń QMDB ókili retinde turaqty qatysýshysy.
Arab tilin jetik meńgergen. Otbasyly 4 balasy bar.
