Saýd Arabııasynyń memlekettik arnasynda áıel adam tuńǵysh ret júrgizýshi boldy
Saýd Arabııasynyń tarıhynda tuńǵysh ret memlekettik arnasynda áıel adam jańalyqtar júrgizýshi boldy.
Jýrnalıst Vıam al-Dahıl (Weam Al Dakheel) dıktor Omer Em Neshvanmen birge Al Saudiya telearnasynda keshkilik jańalyqtar blogyn júrgize bastady. Konservatorlyq koroldik tarıhynda áıel adamnyń telejúrgizýshi bolýy aıtarlyqtaı shara ekeni aıtylady.
Dahıl - Lıvan amerıkalyq ýnıversıtetinde jýrnalıstıka fakýltetin támamdaǵan. Osyǵan deıin ol Al-Hayat gazetinde, CNBC Arabia, Al Jazeera jáne Al-Arab telearnasynda jumys istegen.
Sońǵy ýaqytta Saýd Arabııasynda áıel quqyǵyn keńeıtýge arnalǵan qadamdar jasalýda. 2017 jyly qyrkúıekte áıel adamnyń kólik júrgizýine tyıym salynǵan kópjyldyq zańdy ózgertti, 2018 jyly 1 shildede bul zań múlde kúshin joıdy. 2018 jyly Saýd Arabııasynda áıelderge meıramhanaǵa, kınoteatrǵa jáne sporttyq stadıondarǵa barýyna ruqsat berildi.
